نبشتانک: منی نمبر کجام انت
نبشتہ کار: جاوید اکبال
دی بلوچستان پوسٹ
زمستانی شپ اِت اَنت گوریچ گوں وتی زوراکیان اَت دُرائیں میتگ ھاموش اَت ناں کُچکانی وکگ ءِ توار ناں چیرتانی چِلی چِلی ۔ مردمانی گِرگ ءُ بَرگ ازمان ءَ سر اَت۔
دُرائیں مھلوک ءِ دل ءَ یک تُرسے ھست اَت، ھر کسی دلءَ ھمے تُرس اَت منی نمبر کجام انت ھمے ترس ءَ بازیں مردم مجگی نادراھیانی اماچ کرتگ اِت اَنت مزنیں واجہ ءَ جار جتگ اَت بید چرائی جُست ءَ کس چہ میتگ ءَ ڈن شُت کنت نہ اتک کنت-
مردمانی مچی ءُ روچ ءِ ایر ڈوبگ ءَ رند کندیل ءِ روک کنگ ءِ سر ءَ ھم اوشت اَت زر بی بی اسٹوپ ءِ سر ءَ پہ شام ءِ واستا ورگ گرادگ ءَ ات آئی چُک وھاب آئی ءِ گور ءَ نشتگ اَت باریں کجام ھیالاں گوں گار اَت آئی چُک ءَ ھاموشی پرشت ءُ گشُتے ماتی تئی ھیال ءَ منی نمبر کدی کیت؟ نمبر کدی کیت ؟من سرپد نہ بوتاں ماتی منی درائیں سنگت ھکیم، ستار ، جمیل درا گار ءُ بیگواہ اَنت ، نوں من جیڑگ ءَ اَنت منی نمبر کدے کیت۔
زر بی بی چہ نان ءِ سر ءَ پاد اتک ءُ وتی چُک ءِ امباز کت ءُ گُشتے اللہ رھم منی چُک تر ءَ چے انت تو چوشیں گپ کنگ ءَ ئے تر ءَ پرچہ بر انت؟-
وھاب وتی مات ءِ گپاں چہ ھچ دل گوش نہ ات بس ھنچو رپٹگ ءَ اَت منی نمبر کدی انت وھاب پہ ھژم(جزبات) پَلک ءِ پچ کت ءُ پہ کوکار ءِ گشت منی نمبر کجام انت! در بی بی اتک وتی چک امباز کت نہ منی چک ترا کس نہ بارت وھاب جُپ ءِ جت ءُ پہ کُکار گُشت آ انت پوجی انت منا بَرگ ءَ پیداک انت در بی بی پدا وتی چک امباز کت کس نیست اد ءَماتی تو اشاں جست کن منی نمبر کدی انت نہ ابلی ترا کس نہ بارت ، ترا پرچا بر انت پرچہ کہ من بلوچے اں۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔