گل ءِ جوانیں سنگت یاسر ابراھیم پنام گُل محمد نادراھی ءِ سوب ءَ مکران ءَ گل ءِ اوتاک ءَ بیران بوتگ – بی آر اے

یاسر گوستگیں یک سالے ءَ بی آر اے ءِ پتر ءَ راجی آجوئی ءِ ھاتر ءَ سلاہ بندیں جنگ ءَ گوں بندوک بوتگ آئی ءِ داتگیں دیمونی پہ ورنایاں یک روکیں چراگے ئے بستار داریت آئی ءَ سھر چکیں دروت ندر کنیں – بیبگر بلوچ

دی بلوچستان پوسٹ

بلوچ سلاہ بندیں گل بلوچ ریپبلکن آرمی ءِ جارکش بیبگر بلوچ ءَ وتی شنگ کرتگیں درشان ءِ تہ ءَ گوشتگ کہ گل ءِ جوانیں سرمچار یاسر ابراھیم پنام گل محمد جاھمنند کیچ ناسرآباد نادراھی سوب ءَ مکران ءَ اوتاک ءَ شھید بوتگ – آ گوستگیں یک سالے ءَ گل ءِ پتر ءَ راجی آجوئی جنگ ءَ گوں بندوک بوتگ – یاسر ابراھیم وانندہ ءُ سسّا زانتیں سنگتے بوتگ آئی ءَ شھیدی پہ ورنایانی ھاتر ءَ روکیں چراگے ءِ بستار ءَ داریت –

جارکش ءَ گوشتگ گل آئی داتگیں دیمونیاں سھر چکیں دروت ندر کنت –

گڈسر ءَ جارکش بیبگر بلوچ ءَ گوشتگ کہ پہ راجی آجوئی ھاتر ءَ دیمونی دیگ یک آجوئیں ڈیھے آرگ ءَ تاں برجاک مان انت –