بلوچستان ءِ بنجاھی شھر شال ءَ ھوار پشین، چمن ءُ ھزدار ءَ جتاجتائیں وئیلانی آماچ بوتگیں شش مردم بیران بوتگ ءُ دو زدگ بوتگ اَنت –
دی بلوچستان پوسٹ
گیشیں ھالانی رِد ءَ بلوچستان ءِ بنجاھی شھر شال ءِ دمگ نواں کلی عباس درانی اسکیم ءِ نزیک ءَ ناشناسیں مردمانی تیر گواری ءَ علی محمد ء امیر حمزہ بیران بوتگ – کُشندہ تچگ ءُ رؤگ ءَ سوبین بوتگ انت – شال ءِ روکپتی دمگ ءَ دگ ءِ وئیل ءَ یک مردمے بیران بوتگ –
بیران بوتگیں مردم ءِ پجار ولی خان ء اختر محمد نام ءَ چہ بوتگ –
ھمے وڑ پشین ءِ دمگ خانوزئی ءَ یک مردمے ءِ جون دست کپتگ کہ تیر جنگ ءُ کُشگ بوتگ – تیر سپتگیں جون ءِ پجار نور محمد ء محمد عمر ءِ نام ءَ چہ بوتگ – اژدری چار ءُ ٹپاس ءَ پد جون کھول ءِ ھوالگ ءَ کنگ بوتگ –
ھزدار ءِ دمگ نال ھبلو ءَ بجلی ءِ کرنٹ لگگ ءِ سوب ءَ یک مردمے بیران بوتگ – اژدری چار ءُ ٹپاس ءَ پد جون کھول ءِ ھوالگ ءَ کنگ بوتگ –
دگہ وئیلے ھزدار ءِ دمگ زیدی ءَ دیم ءَ اتکگ کہ مازدا ٹرک ءِ ڈیکر کنگ ءَ یک مردمے بیران بوتگ – بیران بوتگیں مردم ءِ پجار مجیب الرحمن ءِ نام ءَ چہ بوتگ وھدیکہ ھمے وئیل ءَ دو مردم زدگ بوتگ اَنت –
اشی ءَ ابید سیمسری دمگ چمن کلی امیر خان ءَ یک مردمے ھاک ءِ کرود ءَ چیر تر اِتگ ءُ بیران بوتگ – بیران بوتگیں مردم ءِ پجار ایاز ء محمد کبیر ءِ نام ءَ چہ بوتگ –