میناب ءَ چار مردم زِر ءَ کپتگ ءُ بُڈ اِتگ اَنت

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ تیابدپی شھر میناب کلاھی ءَ یک کاھک ءِ زِر ءَ کپتگ ءُ بُڈ اِتگ کہ چریشی ءِ آسر ءَ سَے مردم بیران ءُ یکے درکنگ بیتگ –

اھوالکار ءِ رد ءَ گوستگیں روچ ءَ بندر کلاھی ءَ یک کاھکے زر ءَ بُڈ اِتگ ءُ کہ چریشی ءِ آسر ءَ چار مردم کاھک ءَ سوار بیتگ اَنت ھرچاریں بُڈ اِتگ اَنت ءُ اشانی تہ ءَ یکے سلامتی ءَ کَشگ بیتگ ءُ سَے کس بیران بیتگ اَنت –

کلاھی میناب ءَ سِی مِل دور اِنت ءُ اود ءَ سیزدہ سد مردم آباد اَنت –

دمگدار ءِ رد ءَ بیران بیتگیں مردمانی تہ ءَ دو کَسانی جون کشگ بیتگ اَنت ءُ تنی وھدی سیمی ءِ جون دز نہ کپتگ کہ آئی ءِ شوھاز برجاہ اِنت –

بڈ اِتگیں مردمانی جونانی شوھاز ءَ دمگ ءَ ھواریں ھُشناگر آرگ بیتگ ءُ زر ءَ جون ءِ شوھازگ ءَ اَنت –