چمن ءَ زالبولے ءِ جون دست کپتگ

دی بلوچستان پوسٹ

بلوچستان ءِ دمگ چمن ءَ رحمان کھول دگ ءِ سر ءَ لیویز فورس ءَ زالبولے ءِ تیر سپتگیں جون دست کپتگ –

لیویز فورس ءَ جون چمن ءِ ڈی ایچ کیو ھسپتال ءَ سر کتگ – لیویز فورس ءِ رِد ءَ کشندھاں زالبول ءِ کُشگ ءَ پد آئی ءِ لاش ویرانگاں دور داتگ –

زالبول ءِ کھول ءِ مردمانی پٹ ءُ پول برجاہ انت دنیگت ءَ آئی ءِ پجار نہ بوتگ ءُ وئیل ءِ درگت ءَ ھم ھچ وڑیں سرپدی سر نہ بوتگ –

زانگ بہ بیت گوستگیں وھداں کیچ ءَ ھم بلوچ زالبول کُشگ بیتگ اَنت ءُ سیاسی مردمانی گوشگ اِنت پاکستانی پوج ءُ چیریں ادارھانی جوڑ کرتگیں ڈیتھ اسکواڈ بلوچ زالبولانی کوشاں ھوار اِنت –