دی بلوچستان پوسٹ
سر بیتگیں ھالانی رد ءَ گوستگیں روچ ءَ روکپتی بلوچستان ءِ زر ءَ ایرانی زری لشکر ءَ یک کاھکے ءِ سر ءَ تیرگواری کرتگ ءُ یک مردمے زدگ ءُ یکے بیران بیتگ –
اھوالکار ءِ رد ءَ شانزدہ اکتوبر ءَ روکپتی بلوچستان ءِ دمگ سیریک ءِ زِر ءَ ایرانی زری لشکر ءَ یک کاھکے ءِ سر ءَ تیرگواری کرتگ ءُ یک مردمے کُشتگ ءُ یک مردمے زدگ کرتگ –
بیران بیتگیں مردم ءِ پجار مھمد رستم زادہ ء ابراھیم ءِ نام ءَ زانگ بیتگ ءُ زدگ بیتگین ءِ پجار علی ءِ نام ءَ زانگ بیتگ –
اھوالکار ءِ کاھک ءَ تیل مان بیتگ ءُ ایرانی نیوی ءَ تیرگواری کرتگ، زدگ بیتگیں مردم میناب ءِ نادراہ جاہ ءَ برگ بیتگ –
اھوالکار ءِ رد ءَ تیرگواری ءَ پد میناب ءُ بنگلہ ءِ دگ ءِ سر ءَ مردماں زھرشانی کرتگ ءُ دگ ءِ سر ءَ ٹائر مانداشتگ –
اھوالکار ءِ رد ءَ مردمانی گوشگ اِنت کہ روزگار ءِ نہ بوگ ءِ سوب ءَ ما لاچار اِنت کہ چوشیں جان کُشیں روزگاراں دزمانجنی کنگ ءَ ایں بلے ایرانی نیوی مارا جنگ ءُ کُشگ ءَ اِنت –