پنجگور ءَ دو جون دزکپتگ

دی بلوچستان پوسٹ

ھردوکیں مردمانی جاناں تیرانی ٹپ پِر بیتگ اَنت –

بلوچستان ءِ دمگ پنجگور ءَ دو مردمانی جون دزکپتگ اَنت کہ تیر جنگ ءُ کُشگ بیتگ اَنت –

جون تسپ ءِ کوھی دمگ بگدر کور ءَ دزکپتگ اَنت، کشتگیں مردمانی پجار یکے ءِ پجار عبدالروف ء قادر بکش جھمنند تسپ ءِ نام ءَ زانگ بیتگ ءُ دومی ءِ پجار نہ بیتگ –

دمگی واکداراں تنی وھدی اے درگت ءَ ھچ نہ گوشتگ –

دمگی مردمانی رد ءَ عبدالروف نشہ ءِ بھا کنگ ءِ نام ءَ پجارگ بیتگ کہ پانزدہ روچ ءَ پیسر بیگواہ بیتگ، کوش ءِ سوب ھمے گمانی بیت کہ نشہ باپاری کنوکیں مردمانی دست ھواری ءِ گوشگ بیگ ءَ اِنت –