قلعہ عبداللہ ءَ ھشت سالی ئیں گونڈوے سلکاری ءَ کنگ ءَ پد کُشتگ اِش

دی بلوچستان پوسٹ

بلوچستان ءِ دمگ قلعہ عبداللہ ءِ ھند میزئی اڈہ ءَ ھشت سالی ئیں بچکو ءِ آوار جنی ءَ پد سلکاری کنگ ءَ پد کشتگ ءُ چگل اش داتگ –

اے درگت ءَ قلعہ عبداللہ ءِ اسسٹنٹ کمشنر جھانزیب شیک ءَ گوشتگ کہ اے بچک دو روچ ءَ پیش چہ میزئی ءِ دمگ کلی ڈیویا ءَ آوار جنگ بوتگ –

آئی ءَ گوشگ ات کہ کتکاراں کسانیں بچک ءِ جون ماں درچک ءَ دراتکگ –

آئی ءَ دیمتر ءَ گوشتگ کہ جون ءِ ھال ءِ سر بوگ ءَ آئی ءِ کھول ءِ گون ءَ لیویز کارمند وئیل جاہ ءَ سربوتگ اَنر – اژدری چار ءُ ٹپاس ءَ زانگ بوتگ کہ کتکاراں کسانیں زھگ ءِ گون ءَ سلکاری کُتگ ءُ پد ءَ رند ءَ آ پہ دردیگیں رنگے ءَ کُشتگ –

آئی ءَ گوشتگ کہ اے درگت ءَ ما سلکاری کنوکانی بگیری ءَ ارزی نبشتہ کرتگ اے وئیلے کتکار دنیگت ءَ دزگیر نہ بوتگ انت –

کسانیں زھگ ءِ کھول ءَ چہ واکدراں لوٹ کرتگ کہ آیانی چک ءِ بے دردی کُشگ ءُ آئی ءِ گوم ءَ سلکاری کنوکیں کتکاراں ھواریں مردماں دزگیر بہ کنت –

آھاں چہ چیف جسٹس بلوچستان ھائی کورٹ ءَ ھم لوٹ کرتگ کہ وئیلاں ھواریں کتکار سزا دیگ ءِ وت نوٹس بزوریت –

جھانزیب شیک ءَ گوشتگ کہ اے دردناکیں وئیلے درگت ءَ ما پٹ ءُ پول کنگ انت کتکار ھچ وڑ ءَ پھل کنگ نہ بنت آ انساپ تھتگ ءَ آرگ بنت –

زانگ بہ بیت اے وئیل ءَ کسان سالیں زھگ سعد شاہ ءِ کوش سَے ھپتگ ءَ پد دیم ءَ اتکگ –