لچہ: ندر پہ نمیرانیں حیات جان ءِ نام ءَ
لچہ کار: شبیر شاد
دی بلوچستان پوسٹ
یک ساهتے تو واتر کتیں
سک ابیتکیں بے تو هنکین ءِ پیشگاه
کس نہ روت مات ءِ چارگ ءَ
گُوهار مدام نشتگ آں تئی رهسراں
باریں کدی تو واتر کنے
هامیں شنگزانی باهوٹ کت اَنت
مچدگ مرگانی جاه کتگ
بلے تو انگہ نیائے؟
تو نیائے مات چہ گماں پیر کتگ
پت مدام ارس ریچیت
هر سباه ءَ چک پریات ءُ زار کناں
گنداں کتاب ءُ کاپیاں
نام ءَ مدام تئی گر اِنت
تو نیائے؟
مارا هچ وش نبیت
سنگت درا دیم پہ کراچی ءَ
علم ءُ زانت ءِ شوهازگ ءَ
تو کدی واتر کنے؟
گنداں قلم ءَ گوں زگریں هوناں مینچل اِنت
پادے سواچ کپتگ آں تا پہ تہ
ماتے سریگ تئی چماں بستگ اِش
پرچا چو رپت ءُ شتے
مات ءَ تئی آروس ءِ گد درا دتُکگاں
واتر کن ساهتے بیا
تو اد ءَ کہ نہ ئے
مارا نیست ھم کسے
راز دارے بہ بیت
مہروانے ببیت
مارا پہ کئے یل کت شتے
واتر ببو جلدی بیا
ما نشگ ایں تئی ودار ءَ
ارس ءِ بدل هوں شل اَنت
پہ یک ساهتے گندگ ءَ تئی..