شاھینہ شاھین ءِ کوش ءِ کیس، تربت ءَ شدکشیں ھرتال

دی بلوچستان پوسٹ

جسٹس فار شاھینہ شاھین بلوچ کمیٹی ءِ نیمگ ءَ کیچ ءِ بنجاھی شھر تربت ءَ مروچی دومی روچ ءَ شد کشیں ھرتال برجاہ اِنت –

تربت ءَ شھید فدا چار راہ ءِ سر ءَ زھرشانی ءَ شاھینہ شاھین ءِ کھول ءُ چاگردی باسک ھوار اَنت –

جرمکارانی دزگیری ءِ واستا شدکشیں ھرتال ءَ چُک ءُ جنیناں بھر زرتگ –

ھمے وھد ءَ شاھینہ شاھین ءِ گوھار ءَ تران کنان ءَ گْوشتگ کہ کوش ءَ مروچی نُھ روچ گوستگ بلے تنی وھدی ھچ رنگیں دزگیری گندگ ءَ آیگ ءَ نہ اِنت –

زانگ بہ بیت بلوچ بُتکار ءُ اھوالکار شاھینہ شاھین نُھ روچ ءَ پیسر آئی ءِ لوگ واجہ ءَ کُشتگ ءُ اے وھد ءَ بلوچستان ءَ کوش ءِ بگیری ءَ مھلوک زھر ءِ درشان ءَ کنگ ءَ اِنت ءُ جتائیں شھراں زھرشانی برجاہ اَنت بلے تنی وھدی کُشندہ انگت ءَ دزگیر کنگ نہ بیتگ –