بلوچستان ءَ دو جتائیں وئیلاں دو مردم بیران ءُ یک جِنکے بیگواہ

بلوچستان ءَ دو جتائیں وئیلاں دو مردم بیران ءُ یک جِنکے بیگواہ کنگ بیتگ۔

دی بلوچستان پوسٹ

ڈیرہ مراد جمالی ءَ عبدالحمید ءَ گوھار درناز ءُ آئی ءِ مرد محمد بکش رند ءِ سر ءَ تیرگواری کرتگ ءُ کُشتگ اَنت –

وئیل ءَ پد جرمکار تتکگ ءُ شتگ – ڈیرہ مراد جمالی ءِ شھری پولیس ءَ کُشتگیں مرد ءُ جن ءِ کوش ءِ ارزی نامہ نبشتگ کرتگ ءُ پَٹ ءُ پول بندات کرتگ –

واکدارانی رد ءَ جرمکار ءِ دزگیری ءَ پہ پَٹ ءُ پول بندات کنگ بیتگ –

ھمے وڑ ءَ نوشکی ءِ دمگ کازی آباد ءَ یک جنکے آوار جنگ بیتگ –

پولیس ءِ رد ءَ سانگ ءِ جیڑھے ءِ سر ءَ جنک آئی ءِ کھول ءَ برتگ وھدیکہ ایس ایچ او نوشکی ءَ آوار جنی رد کرتگ –

اے بارو ءَ واکدار داں انگت گیشیں پَٹ ءُ پول کنگ ءَ اَنت –