دی بلوچستان پوسٹ
مشکے ءَ پاکستانی پوج ءَ چار روچ پیسر لوگے ءَ بیڑ بُرتگ یک مردمے آوار جتگ ءُ ناشُناسیں جاھے ءَ بندیگ کُتگ ـ
ٹی بی پی پتر ءَ سربوتگیں ھالانی رِد ءَ بلوچستان ءِ دمگ مشکے پروار ءَ چار روچ پیسر پاکستانی پوج ءَ غلام نبی نامی ئیں مردمے ءِ لوگ ءَ بیڑ برتگ ءَ زوراکی کنان ءَ غلام نبی ءِ چُک بیام در آوار جتگ ءُ گوں وت برتگ کہ روچ مروچی انگت ءَ بیگواہ انت ـ
آئی ءِ کھول ءِ مردماں مروچی آئی ءِ آوار جنی ءِ گپ راست کُتگ گُشتگ کہ بیام در پوج ءَ چہ لوگ ءَ چست کُتگ گوں وت بُرتگ ـ
آھاں چہ انسانی ھکانی گلاں چہ لوٹ کُتگ کہ آئی ءِ یل کنگے ھاتر ءَ توار چست بہ کن انت ـ
زانگ بہ بیت مشکے ءَ ھوار بلوچستان ءِ جتا جتائیں جاھاں پاکستانی ریاست ءِ زوراکی یکشل ءَ برجاہ انت ـ تنی وھدی بازیں کساسے ءَ مردم اوار جنگ بیگواہ کنگ بوتگ انت ـ بیگواھیں مردمانی تھا گیشین کچ بلوچ ورنا ءُ نودربرانی ئیگ اِنت ـ