کیچ ءَ پاکستانی پوج ءِ آپریشن برجاہ

دی بلوچستان پوسٹ

سر بیتگیں ھالانی رد ءَ بلوچستان ءِ دمگ کیچ ءَ پاکستانی پوج ءَ آپریشن بندات کرتگ –

دمگی مردمانی رد ءَ کیچ ءِ دمگ دشت ءِ کوھی ھند مزن بند ءَ پاکستانی پوج ءَ لشکر کشی بندات کرتگ ءُ کوھی دمگ انگیر ءَ کرتگ اَنت –

آیاں گوشت کہ پوج ءِ زمینی لشکر ءِ ھمراھی ءَ برزی ءَ ھالگرد ھم کمک ءَ گون اَنت ءُ جاہ جاہ ءَ لشکری کارمند ایرگیجان اَنت –

دمگی مردمانی رد ءَ گوستگیں روچ ءَ ھم پوج ءَ ھمے دمگ انگیر ءَ کرتگ ءُ پوج کشی کرتگ ءُ مروچی واتر پد ءَ اتکگ ءُ دمگ ءِ سر ءَ پوج کشی کنگ ءَ اِنت –

زانگ بہ بیت بلوچستان ءِ جتائیں جاھاں پوجی آپریشن ءُ زوراکی برجاہ اَنت ءُ ھمے وڑ ءَ گوستگیں روچاں پنجگور ءِ دمگاں پوج ءَ بیڑ برتگ ءُ اود ءَ بازیں زالبول ءُ چکانی آوار جنیانی ھال ھم اتکگ اَنت –