بلوچستان ءَ دو جتائیں وئیلاں دو مردم بیران

دی بلوچستان پوسٹ

بلوچستان دمگ کیچ ءُ اوستہ مھمد ءَ دو جتائیں وئیل وتکُشی ءُ گیرت ءِ نام ءَ ورنایے ءُ زالبولے بیران ـ

ٹی بی پی پتر ءَ سربوتگیں ھالانی رِد ءَ کیچ ءِ دمگ تمپ “گومازی” ءَ ھژدہ سالی ئیں ورنایے ءَ وت ءَ وت تیر جتگ ءُ کُشتگ ـ
وتکشی کنوکیں ورنایے پجار شھزاد ءِ نام ءَ چہ بوتگ کہ آئی ءَ وتی سر ءَ وت تیر ءِ جتگ وتکشی کُتگ-

وتکشی ءِ سوب زانگ نہ بیتگ –

دگہ یک وئیلے ءَ اوستہ مھمد ءَ بدکاری ءِ بھتام ءَ یک مردمے ءَ وتی لوگی کُشتگ ـ

گوستگیں روچ ءَ اوستہ مھمد دمگ چانڈیو میتگ ءَ عبدالمجید نامی ئیں مردمے ءَ وتی لوگ بانک تیر جتگ ءُ کُشتگ ـ پولیس ءِ رِد ءَ کُشندہ ءَ وتی لوگی کُشتگ ءُ تچگ ءُ رؤگ ءَ سوبمند بوتگ ـ
پولیس ءَ اژدری چار ءُ ٹپاس ءَ پد لاش کھول ءِ گور ءَ رسینتگ-

زانگ بہ بیت چِد ءُ پیسر ھم سیاکاری ءِ بھتام ءَ زالبول کُشگ بیتگ اَنت بلے دمگی مردمانی نیمگ ءَ تنی وھدی سیاھکاریانی بھتاماں چوشیں جوانیں اھوال گندگ ءَ نیتکگ –