ندر پہ کسانسالیں شھید ھیات جانءَ
شائر: آرپ وپا بلوچ
دی بلوچستان پوسٹ
زوراکی ءِ چکپروش کلات
تاوان نہ بنت پلیں هیات
نازینک منی بیلانی مات
شاتے بہ جنز امروز ءِ گوات
رنجیت ءِ ُشمیں جهسری
کنتیں بگائی بیرگری
او رستریں هیوان ءِ زات
تاوان نہ بنت پلیں هیات
شنگ انت گشئے چو شوره ءَ
اهد ءِ ملوریں کلبر ءَ
هون ءِ جُڑ انت ترانگ تی یات
تاوان نہ بنت پلیں هیات
داں سیاهجی ءِ دنزاں چناں
درپشیں سهیل ءِ رندپداں
ریهان سریں استاں تئی برات
تاوان نہ بیت پلیں هیات
مات ءِ دوایے پہ ترا
ارشے بہ ُلمبیت تئی سرا
آسے تئی چک ءَ کپات
تاوان نہ بنت پلیں هیات
مندیل بنت آرپ نشان
کندیل بنت رژن ءِ زبان
پلگار بنت ُشمیں زکات
تاوان نہ بنت پلیں هیات