کیچ ءِ دمگ کولواہ بلور ءَ پاکستانی پوج ءِ بنجل ءِ سر ءَ بیتگیں اُرش ءِ زمہ واری ءَ منّیں – بی آر اے
دی بلوچستان پوسٹ
اُرش ءَ پوج ءَ بازیں کچے ءَ جانی ءُ مالی تاوان رس اِتگ – بیبگر بلوچ
بلوچ ریپبلکن آرمی ءِ جارکش بیبگر بلوچ ءَ رسانکدراں شنگ کرتگیں یک درشانے ءِ تہ ءَ گْوشتگ کہ کیچ ءِ دمگ کولواہ بلور ءَ گوستگیں بیگاہ ءَ سرمچاراں پاکستانی پوج ءِ چیک پوسٹ ءِ سر ءَ راکٹ ءُ وتکاریں سلاھانی گون ءَ اُرش کرتگ ءُ یک سنگرے سرجم ءَ تباہ کرتگ –
سِی مِلٹ ءَ داں برجاھیں اے اُرش ءَ پوج ءَ بازیں کچے ءَ جانی ءُ مالی تاوانانی دیمپانی کنگ کپتگ، اُرش ءَ پد پروش وارتگیں پوج ءَ بازیں اداراں میتگانی سر ءَ مارٹر گولہ ءُ تیرگواری کرتگ –
بیبگر بلوچ ءَ گوشت کہ مئے اے وڑیں کاروائی آجو بلوچستان ءِ گڈسر ءَ برجاہ مان اَنت –