بی گاہ تامر ءِ دیمدرائی پرانس ءَ بیگ ءَ اِنت

دی بلوچستان پوسٹ

سر بیتگیں ھالانی رد ءَ “بی گاہ ” تامر ءِ دیمدراھی فیلکر ءِ نیمگ ءَ یک پیسٹولے ءَ شنگ بیگ ءَ اِنت،

گیشیں ھالانی رد ءَ اے تامر شنگکار ھپت جتائیں ڈیھاں ھپت تامر گچین کنت ءُ ھمے پیسٹول ءَ پیشدارگ بنت –

فیلکر ءِ رد ءَ شنگ بیتگیں درشان ءِ تہ ءَ گوشگ بیتگ کہ اے پیسٹول اے رندی فرانس ءَ ایر کنگ بیت اِنت ءُ چہ ایران ءَ ایشی ءِ سروکی ءَ مھمد سجادیان کنگ ءَ اِنت –

اے تامر داں سِی ءُ یک اگست ءَ چار ستمبر ءَ پیشدارگ بیت اِنت ءُ ھپت جتائیں ڈیھاں کہ ھپت تامر گچین کنگ بیتگ کہ آیانی تہ ءَ المان، روس، فیلیپین، بورکینا فاسو، لھستان، مکزیک ءُ ایران ھوار اَنت –

چہ ایران ءَ گچین کرتگیں تامر بی گاہ کہ آئی ءِ تہ ءَ بلوچ کارست ھم ھوار اَنت کہ آئی ءِ تامراکس بندی چھبار ءَ کنگ بیتگ اَنت –

بلوچ کارستکارانی تہ ءَ مھسا نارویی مولابکش رئیسی ھوار اَنت کہ اشاں بلوچستان ءِ تپتگیں ڈن ءِ کارست پیش کرتگ –

چریشی ءَ ھوار اے تامر امریکا ءِ شھرے ءَ یک پیسٹویلے ءَ جوانیں رنگے ءَ چارگ بیتگ ءُ اود ءَ چاروکاں جوانیں رنگے ءخ دوست داشتگ –

اے تامر ءِ ازمکار، ایمان افشار، شایان افشار، ایوب افشار، مھسا نارویی، مولابکش رئیسی اَنت -بیگاہ ءِ تامر ءِ نبشتہ کار پویا اشتھاردی اِنت ءُ تامر ءَ دگہ بازیں ازمکار ھوار اَنت –