بلوچستان ءِ جتاجتائیں دمگاں سَے لاش دست کپتگ

بلوچستان ءِ جتاجتائیں دمگاں سَے لاش دست کپتگ

دی بلوچستان پوست

ٹی بی پی پتر ءَ سربوتگیں ھالانی رِد ءَ بلوچستان ءِ مزن شھر شال ءُ سبی ءَ ھوار بلوچستان کاروباری شھر ھب ءَ سَے لاش دست کپتگ اَنت –

سرجمیں ھالانی رِد ءَ سبی ءِ مزن شھدگ ءِ نزیک ءَ ھندی پھازداراں یک مردمے ءِ لاش درگیپتگ ءُ ھسپتال ءَ بُرتگ-

سبی ءَ شوھاز بوتگیں لاش ءِ پجار حسین الدین ء شادی ءِ نام ءَ چہ بوتگ آ نصیرآباد ءِ جاھمنند گوشگ بیتگ –

ھمے وڑ ءَ شال ءِ دمگ سبزل روڈ کلی گشگوری ءَ چہ ھم یک مردمے ءِ لاش دست کپتگ آ پہ پجار ءِ ھاتر ءَ ھسپتال ءَ دیم دیگ بوتگ-

ھمے وڑ ءَ بلوچستان ءِ کاروباری شھر ھب ءِ دمگ لیبر کالونی ءَ ھم یک مردمے ءِ لاش دز کپتگ پہ پجار ءِ ھاتر ءَ ھسپتال ءَ دیم دیگ بوتگ-

گڈی ھالاں تاں شال ءُ ھب ءِ دز کپتگیں لاشانی پجار نہ بوتگ اَنت – بلوچستان ءَ ھردے کہ لاش دزکپتگ انت گڑا آھانی تھا گیشیں کچ بیگواھیں مردمانی بوتگ اَنت –