کراچی ءَ کشمیر ءِ واستا کشتگیں روانک ءِ سر ءَ بمب تراک بازیں مردمے زدگ
دی بلوچستان پوسٹ
دی بلوچستان پتر ھال ءَ سر بیتگیں ھالانی رد ءَ سند ءِ بنجاھی شھر کراچی ءَ جماعت اسلامی ءِ نیمگ ءَ کشتگیں روانک ءِ سر ءَ بمب اُرش، اُرش ءَ روانک ءَ ھواریں مردم زدگ بیتگ اَنت –
جماعت اسلامی ءِ نیمگ ءَ چہ روانک کراچی ءِ پریس کلب ءِ دیم ءَ کشمیریانی پلامرزی ءَ کشگ بیتگ بیتگ کہ مسجد المکرم ءِ ھند ءَ بمب ءِ نشانگ کنگ بیتگ، تراک ءَ زدگ بیتگیں مردم نزیکیں ھسپتال ءَ برگ بیتگ اَنت –
رسانکدرانی رد ءَ تراک ءَ پد سیکورٹی کارندہ تراک جاہ ءَ سر بیتگ ءُ تنی وھدی تراک ءِ بارو ءَ گیشیں سرپدی نیاتکگ –
زانگ بہ بیت مروچی کراچی ءَ ھوار بازیں جاھاں بمب تراک بیتگ اَنت، چریشی ءَ پیسر کراچی ءِ دمگ ملیر ءَ یک مردمے ءِ دکان ءَ دزبمبے چگل دیگ بیتگ چریشی ءَ چہ سَے مردم زدگ بیتگ اَنت ءُ ناسر کالونی ءَ کوٹری سائیٹ ءَ کریکر تراک کنگ بیتگ اَنت –
کراچی ءُ دگہ اُرشانی زمہ واری آجوئی لوٹوکیں سندھی سلاہ بندیں گل سندھودیش روولیوشنری آرمی ءَ وتی آفیشل سوشل میڈیا تاک ءَ منّ اِتگ اَنت –