اوتھل ءَ یک جون ءِ دزکپتگ

پولیس ءِ رد ءَ اوتھل ءَ چہ رودراتک ءُ گوریچان ءِ نیمگ ءَ چِل میل دیر گچیری ءَ یک کوھنیں جونے دزکپتگ چریشی ءَ پد جون چِستکنگ ءَ نادراہ جاہ ءَ برگ بیتگ –

نادراہ جاہ ءِ اھوالانی رد ءَ جون دَہ روچ پیسریگیں اِنت پمیشکہ آئی ءِ پجار نہ بیت اِنت –

دومی نیمگ ءَ پولیس ءَ ٹاہ داتگ ءُ گوشتگ کہ وھیل ءِ پَٹ ءُ پول بندات کرتگ –

زانگ بہ بیت بلوچستان ءِ جتائیں جاھاں زانگولیں جون دزکپگ ءَ اَنت کہ چریشانی تہ ءَ بازینانی پجار ھما مردمانی ناماں بنت کہ بیگواہکنگ بیتگ اَنت –

بیست ءُ چار ادارانی تہ ءَ بلوچستان ءَ دزکپتگیں جونانی تہ ءَ اے دومی جون اِنت – چریشی ءَ پیسر گوستگیں روچ ءَ ایران ءَ نزیکیںبلوچستان ءِ سیمسر تپتان ءَ کلی اسٹیشن ءِ نزیک ءَ یک جونے دزکپتگ اَت –

دزکپتگیں جون ءِ پجار نہ بوتگ اَت کہ جون ءَ ٹپانی نشان پِر بیتگ اَنت –