شئر: کودکیں برمشءِ نامءَ
شائر: رحیم رضا مندی
دی بلوچستان پوسٹ
تو لئیبو زرتگ اَنت بیگاھاں
لئیب کرتگ کش ءَ کمپان ءِ
ُدُتک نادیتگ ھر بیگاہ
لیگار بیتگ ئے ھاک ءُ چِل
مات ءَ شُشتگ ءُ نازینتگ
برمشءَ من کناں بانورے
لوٹاں ھُلکہ ءُ بازاراں
داراں ھپت شپ ءَ نازینکاں
نازیناں وتی بانور ءَ
کایاں دزگہار چہ دور ءَ
سینگاراں ترا چو ھُور ءَ
ارمان ماتے ءِ نا سرجم
وھد ءِ زالم ءُ زوراکاں
ماتی تئی، وتی ارجان جت
تیرے لگتگ برمشو ءَ
گارانتے توار ءُ چیھال
برمشو کپتگءُ بے ھوش اِنت
باھوٹ اِنت نپاد ءُ تھت ءِ
چماں نز کنت باھندیت
بیارئے منی مھروانیں مات ءَ
اما بیا منی اما بیا
پرچہ چہ من ءَ دلگران ئے
پرچہ چہ من ءَ ۔ دلگران ئے