لشکر ءِ لشکر کشی، بازیں مردمے بیگواہ

لشکر ءِ لشکر کشی، بازیں مردمے بیگواہ

دی بلوچستان پوسٹ

سر بیتگیں ھالانی رد ءَ مروچی سھب ءَ ھزدار ءِ دمگ گریشہ کوچہ ءَ پاکستانی لشکر ءَ یک لوگے ءِ سر ءَ بیڑ برتگ ءُ مردم آوار جتگ ءُ برتگ –

دمگی مردمانی رد ءَ مروچی سھب ءَ پاکستانی لشکر ءَ بیڑ برتگ ءُ پَٹ ءُ ھنڈ کنان ءَ دو مردم آوار جتگ ءُ برتگ ءُ اشانی پجیگ ءَ لوگ ءُ گدان لشکر ءَ پَٹ اِتگ اَنت-

لشکر ءِ دست ءَ آوار جنگ بیتگین مردمانی پجار ھالد ء مھمد بکش ءُ منور ء گوھرام ءِ نام ءَ زانگ بیتگ اَنت-

ھمے وڑ ءَ جائو ءِ جتائیں جاھاں پاکستانی لشکر لشکر کشی ءَ دزبند اِنت –

ھالانی تہ ءَ گْوشگ بیگ ءَ اِنت کہ جائو ءِ دمگ سوڈ، سھروکو، قران بھینٹ، گابارو جلائی کانی لشکر ءَ بیڑ برتگ ءُ انگیر ءَ اَنت ءُ لوگ لوگ ءَ پَٹ ءُ ھنڈ کنگ ءَ اِنت –

گوشگ بیگ ءَ اِنت کہ بازیں مردمے دزگیر کنگ ءَ پد ناشناسیں جاھاں برگ بیتگ اَنت ءُ بلے دامگانی نہ بیگ ءِ سبب ءَ مردمانی پجار کنگ مشکل ءُ جنجالانی دیمپانی اِنت –