سئودی ارب ءِ پجّی ءَ بازیں نیکراھی ملکاں اَئید ءِ مُچیانی سر ءَ بندش جتگ

الم بوانیت

کرونا وائرس ءِ شنگ ءُ تالانی ءِ سوب ءَ سَئودی ارب ، ترکی ، شام ، مِسر ، الجزائر ، ءَ ایندگہ ملکاں کسانیں ائید ءِ مُچیانی سر ءَ بندش کتگ ءُ بازیں جاھاں ” کرفیو ” جنگ ءِ جار اوں جتگ ۔

سئودی ارب ، الجزائر ءُ مسر ءَ اَئید ءِ نماز ءِ مُچی ءِ سر ءَ بندش جتگ ۔

شام ءِ سرکار ءَ ھم کسانیں اَئید ءِ مچیانی سر ءَ بندش جتگ ۔

شام ءِ ” نیکراھی گِر ءُ دار کنوکیں وزیر ” ءِ نیمگ ءَ شام ءِ مھلوک ءَ را گُشگ بوتگ کہ آ گوں وتی لوگ ءِ مردماں ائید ءِ نماز ءَ لوگ ءَ بوان اَنت ۔

ترکی ءِ سرکماش رجب تیب ء اردگان ءَ سرجمیں ملک ءَ اَئید ءِ سر ءَ ” کرفیو ” جنگ ءِ جار جتگ ۔

چہ مھتر پتر ءِ دیوان ءِ تران ءَ رند ترک ءِ سرکماش رجب تیب اردگان ءَ گُشت کہ اَئید ءَ لاک ڈاؤن شمبے ءَ بہ گر داں سَے شمبے ءَ یکشل ءَ دارگ بیت ۔

آئی ءَ دیمتر ءَ گُشت کہ کرونا وائرس ءِ نادراھی ءِ گر ءُ دار ءِ واستا استنبول ، انکرہ ءُ ایندگہ ھند ءُ دمگاں ” کرفیو ” جنگ ءَ آں ۔

ترک ءِ سرکماش ءِ گوستگیں جار ءِ رد ءَ مسیت 29 مَئی ءَ پچ بنت ءُ ترکی ءَ وانگجاھانی وانگ ستمبر بندات بنت ۔

نوکتریں