بلوچستان ءِ جتائیں جاھاں تیرگواری، 4 کس زدگ

بلوچستان ءِ جتائیں جاھاں تیرگواری، 4 کس زدگ

سر بیتگیں ھالانی رد ءَ بلوچستان ءِ دمگ اوستہ مھمد ءَ مچی پُل دکانے ءِ سر ءَ تیرگواری کنگ بیتگ، چریشی ءَ چَہ سَے مردم زدگ –

دمگی مردمانی رد ءَ تیرگواری ءِ سبب ٹکی زمینی جیڑھے ءِ سر ءَ بیتگ ءُ تیرگواری ءِ آسر ءَ گلام شبیر، چَھٹا ھان ءُ پسند زدگ زدگ بیتگ اَنت – ھرسئیں زدگین درمان کنگ ءَ اوستہ مھمد نادراہ جاہ ءَ سر کنگ بیتگ اَنت –

ٹپیانی ءَ تہ ءَ گلام شبیر ءِ جاور نگیگ گوشگ بیتگ اَنت ءُ آ گیشیں درمان کنگ ءَ لاڑکانہ ءَ برگ بیتگ- تیرگواری کنوک کاروائی کنگ ءُ تچگ ءَ سوبمند بیتگ اَنت ءُ پولیس ءَ تیرگواری کنوکانی پَٹ ءُ پول بندات کرتگ –

ھمے وڑ ءَ پنجگور ءِ دمگ سرادو ءَ ناشناسیں مردمانی تیرگواری ءَ سرتاج ء ابدلوھید زدگ بیتگ –

دمگی مردمانی رد ءَ سرتاج پنجگور پریس کلب ءِ زانتگیں اھوالکار ابدلوھید ءِ چُک اِنت –

تیرگواری ءَ پد زدگ بیتگیں سرتاج بنداتی ءَ پنجگور ءِ نادراہ جاہ ءَ ٹپانی درمان کنگ ءَ سر کنگ بیتگ ءُ چریشی ءَ پد گیشیں درمانی ءَ شال ءَ برگ بیتگ –

پنجگور ءَ تیرگواری ءِ سبب زانگ تنی وھدی نہ بیتگ –