کیچ: لشکر ءِ دست ءَ چار مردم بیگواہ

سربیتگیں ھالانی رد ءَ کیچ ءِ دمگ تمپ سرنکن ءَ پاکستانی لشکر ءَ گوستگیں شپ ءَ بیڑ برتگ ءُ لوگاں مانریچان بیتگ ءُ لوگانی تہ ءَ گران بھائیں مڈی، مباھلانی برگ ءِ پجیگ ءَ چار مردم آوار جتگ ءُ برتگ –

دمگی مردمانی رد ءَ لشکر ءِ دست ءَ آوار جنگ بیتگیں مردمانی پجار الی ھیدر ء دلجان، مسلم ء گلام جان، شاہ دوست ء رھیم بکش ءُ بیروز ءِ ماسٹر سمد ءِ ناماں زانگ بیتگ اَنت –

دمگی مردمے ءَ ٹی بی پی ءَ گوں گہ کنان ءَ گْوشت ھرچاریں مردم گوستگیں وھد ءَ سیمسری دمگ ءَ تیل ءِ کار ءُ بار ءَ بیتگ اَنت کہ سیمسر ءِ بند بیگ ءَ پد وتی لوگاں اتکگ اَنت دوشی ءِ شپ ءَ پاکستانی لشکر ءَ بیڑی ءِ وھد ءَ برتگ اَنت –

ھمے وڑ ءَ گوستگیں روچ ءَ مند بلوچ آباد ءَ پاکستانی لشکر ءَ آدل ء مھمد الی، ساجد ء پیز مھمد ءُ ایاز ء داد مھمد آوار جتگ ءُ برتگ اَنت –

دومی نیمگ ءَ آواران ءِ کوھی دمگ وھلی، بزداد، دراسکی، گواش ءُ مالار ءِ راہ ءُ در پاکستانی لشکر ءَ بستگ ءُ جھلی لشکر ءِ کمک ءَ برزی ءَ بالگرد ھم کوھی دمگاں بال اَنت –