بلوچستان: دگانی سر ءَ ویلاں سَے مردم بیران پنچ زدگ

سَے جتائیں ویل پشین، تفتان، بسیمہ ءَ دیم ءَ اتکگ اَنت –

ھر سئیں دمگاں پیش اتکگیں ویلاں دمگی انتزامیہ ءِ رد ءَ سَے مردم بیران پنچ زدگ بیتگ اَنت –

ٹی بی پی ءِ اھوالکار ءِ رد ءَ چاغی ءِ دمگ تفتان سیندک دگ ءِ سر ءَ ایرانی زامبیاد گاڑی چپی بیگ ءَ نیک مھمد ء باز مھمد نامی ئیں مردمے بیران بیتگ وھدےکہ بسیمہ ءِ نزیک ءَ ترند روگ ءِ سبب ءَ گاڑی ءِ چَپی بیتگ یک مردمے بیران ءُ پنچ زدگ بیتگ –

ھمے وڑ ءَ گوستگیں روچ ءَ دگ ءِ ویل ءَ زدگ بیتگیں پشین ءِ جھمنند انور جان نامی ئیں مرد مروچی ٹپانی نہ سگگ ءَ بیران بیتگ –

بلوچستان ءِ پرشت ءُ ژندیں دگانی سبب ءَ ویل ھمک روچ جتائیں دمگاں تْروکیں ویلاں بازیں کَچے ءَ مردم بیران ءُ زدگ بنت –

دومی نیمگ ءَ بلوچستان ءِ سرکار ءِ نیمگ ءَ شھدگانی نوک کنگ ءُ دلگوشی ءَ ھچ وڑیں شوربندی دیم ءَ نیاتکگ، بلے بلوچستان ءِ سیاسی ءُ چاگردی مردم ھمک روچ دزبندی کنگ ءَ اَنت کہ دگانی سر ءَ بیتگیں ویلانی گِر ءُ داری ءَ گامگیج زورگ بہ بیت