ڈیرہ بگٹی ءَ ریاستی چیردستی ءَ برجاہ کرتگیں ڈیتھ اسکواڈ ءِ سر ءَ بمب تراک

دی بلوچستان پوسٹ

ٹی بی پی ءَ سر بیتگیں ھالانی رد ءَ ڈیرہ بگٹی ءِ دمگ پیرکوہ ءَ ریاستی چیردستی ءَ جوڑ کرتگیں ڈیتھ اسکواڈ ءِ کارمندانی سر ءَ بمب تراکے کنگ بیتگ-

زانگ بہ بیت دیرہ بگٹی ءَ ھوار سرجمیں بلوچستان ءَ ریاست ءِ نیمگ ءَ برجاہ کرتگیں ڈیتھ اسکواڈ ءِ سر ءَ بھتام اِنت کہ آ بلوچستان ءَ ریاستی لشکر ءِ گون ءَ بیوکیں زوراکیانی دزکمکی ءَ ھوار لس مردمانی کُشت ءُ کوشاں ھم دزمانجن اِنت –

بلوچستان ءِ جتائیں جاھاں ریاستی ڈیتھ اسکواڈ ءِ سر ءَ بلوچ آجوئی لوٹوکیں گلانی نیمگ ءَ بیگ ءَ اَنت بلوچ آجوئی لوٹوکیں گلانج گوشگ اِنت کہ اے ٹولی بلوچستان ءَ بلوچ راج ءِ بگیری ءَ ترامگیج اَنت –

ھمے وڑ ءَ ڈیرہ بگٹی ءَ مروچی ریاستی ڈیتھ اسکواڈ ءِ سر ءَ بیتگیں اُرش ءِ زمہ واری بلوچ آجوئی لوٹوکیں گل بلوچ لبریشن ٹائیگرز ءَ منّ اِتگ

بی ایل ٹی ءِ جارکش میران بلوچ ءِ گوشگ اِنت کہ مئے سرمچاراں ڈیرہ بگٹی ءِ دمگ پیرکوہ پاتر ءِ ھند ءَ ایپ سی ءِ چیردست ایف آئی یو ءُ آئی ءِ کمکارانی سر ءَ دیرواگ بمب تراکے کرتگ کہ چرے بمب تراک ءَ دمگی ڈیتھ اسکواڈ ءِ کارندہ مھمد جان ء شازو بگٹی ءُ ایف آئی یو ءِ سوبیدار مھمد جبار مرتگ اَنت ءَ ایف آئی یو ءُ ڈیتھ اسکواڈ ءِ دگہ دو کارمند زدگ کرتگ –