بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ گوستگیں کمانڈر انچیف بشیر زیب بلوچ گل ءِ رھبندانی رد ءَ سینئر کمانڈ کونسل ءِ پیسلہ ءَ پد نی گل ءِ سروکی دروشم ءَ کار نہ کنت ۔ نوکیں کمانڈر انچیف ءِ گچین کنگ ءَ داں انتزامی ، لشکری ءُ پالیسی ساز ءِ واک بی ایل اے ءِ گچینداریں سینئر کمانڈ کونسل ءِ گور ءَ بنت ءُ دراھیں تکاں لشکری کاروائی ابید اوشت ءَ برجاہ بنت انت۔
جارکش ءِ رد ءَ بی ایل اے ءِ پکری ءُ بنھشت ایر کنوک استاد اسلم بلوچ ءَ ساہ 2018 گل ءِ نوک کنگ ءَ یکیں سروکی ءُ داں زندگی ءَ سروکی کنگ ھروھدی ءَ ھلاس کتگ ءُ پلگاری ءُ ادارتی رھبندانی رد ءَ ھموار کتگ ۔
جارکش ءِ رد ءَ گل ءِ سروک کجام کساس ءَ گچین بہ بیت بلے آ داں زندگی بر گل ءِ سروک بیت نہ کنت اے درچ ءَ آئی ءَ یک آئینی رھبندے ایر کتگ کہ اگاں کجام ھم وھد ءَ درکاری بہ بیت گڑا گچینی راہ جاڑیگ انت ۔
جارکش ءَ گوشتگ اے رھبند ءِ رد ءَ ۱۶ اکتوبر ءَ بی ایل اے ءِ گچینی ادارگانی ھواریں رھبندانی ھالٹپاسی کتگ انت کہ چریشی ءَ درستیں کمانڈراں گل ءِ سروکی ءَ دومی ءِ دست ءَ دیگ ءِ ھک ءَ پیسلہ کتگ کہ گل ءَ پرکاری رپتاری گیش نوکی بہ بنت۔
بیان ءِ تہ ءَ گْوشگ بیتگ کہ بلوچ سلاہ بندیں گھگیری ءِ راجدپتر ءِ تہ ءَ اے اولی ءُ راجدپتری موہ اِنت کہ یک سلاہ بندیں سلابندیں ادارگے ءَ جمہوری رنگے ءَ وتی بالادستیں سروک بدل کتگ ءُ ھچ وڑیں اندری پروشت ءُ پروش ءُ جیڑھ ءِ ھست نہ اِنت، سرجمیں امن ءُ ایمنی ءِ وسیلگ ءَ ءُ سرجمیں آئینی کارروائی ءِ وسیلگ ءَ بدل کتگ۔ گوستگیں زمانگ ءَ مزاحمتی گلانی رہشونی ءِ بدل کنگ ءِ ہچ وڑیں جمہوری ءُ آئینی میکانزم نیست ات کہ ایشی ءِ آسر ءَ تنظیم اندری آشوب ءُ جیڑہ ءُ پروشی ءِ آماچ بوتگ انت۔ اے پہ بی ایل اے ءُ کلیں بلوچ راج ءَ شان ءُ منگی ءِ گپ اِنت کہ بلوچ راجی زرمبش ءِ تہ ءَ سروکی ءِ بدلی ءِ واستا امن ءُ جمہوری روایت ءِ بُن ھِشت ایر کنگ بیتگ۔ اے تاریخی پیسلہ ءِ پُشت ءَ بلوچ لبریشن آرمی ءِ ہائی سینٹرل کمانڈ ءُ آپریشنل فرنٹ یکمشت ءُ مچانکی رنگ ءَ اوشتاتگ انت۔
دیمترا گْوشتگ کہ راجدپتر گواہ اِنت کہ ایوک ءَ ھما زرمبشت پائیدار ءُ دائمی سوبمندی ءَ رس اَنت کہ آ یک کسے ءِ سر ءَ تکہ کنگ ءِ بدل ءَ وت واجہیں آئینی ادارگانی وسیلگ ءَ کار کن اَنت۔ اے گامگیج ءِ وسیلگ ءَ اے گپ پدر بوتگ کہ تنظیم ءِ تہ ءَ یک مھکمیں اندری نظامے جوڑ کنگ بوتگ کہ آ مدام اے گپ ءِ زمانت ءَ دنت کہ سرجمیں بی ایل اے ءِ باسک منظم، ذمہ وار ءُ یکجاہ بہ بنت۔ اے امل نہ ایوک ءَ کلیں بلوچ راج ءِ وتی راجی لشکر ءِ سر ءَ بھیسہ ءَ گیش مھکم کنت بلکیں اے گپ ءَ ھم دل یکیمی کنت کہ بی ایل اے ءِ بُرزیں زمہ واری ، ترندیں رھبند ءُ انقلابی شرپ ءِ سر ءَ پابند بوھگ ءَ چہ بی ایل اے نوکیں دور ءِ تہ ءَ رھادگ بیت ۔
جارکش ءَ گوشت کہ اے آئینی گامگیج ءَ چہ گل ءِ سرجمیں فوجی کارکردگی، جنگی ھکمت املی، پھریزی پالیسی، فیلڈ آپریشن یا چین آف کمانڈ ءِ سر ءَ سان مند بوھگ ءَ ابید سروکی ءِ پرامن مٹینگ دل یکیمی کنگ ءَ سوبمند بوتگ۔ مئے درستیں تکانی سر ءَ آپریشنل سرگرمی ھچ وڑیں رکاوٹ ءِ ھست نہ بوھگ ءَ برجاہ اَنت۔ زورگیریں پاکستانی لشکر ءِ سر ءَ مئے فوجی ءُ نپسیاتی زور برجاہ اِنت ءُ مئے ایر کتگیں مکسدانی رد ءَ ھمک منسوبگ دیم ءَ روگ ءَ اَنت۔
بیان ءِ تہ ءَ گوشت کہ اے گامگیج ءَ را بی ایل اے ءِ سرجمیں آپریشنل فرنٹ، ریجنل ءُ کیمپ کمانڈر ءُُسرجمیں ھاسیں یونٹانی سرجمیں ءُ بے شرت ءُ پلامرزی ھست انت۔ اے رھبندانی رد ءَ آیوکیں پڑ انئ گڈسر ءَ نوکیں کمانڈر ان چیف ءِ نام زوت جار جنگ بیت۔
بیان ءِ گڈسرا گشگ بوتگ کہ بلوچ لبریشن آرمی یک انچیں گلے کہ شہیدانی مکدسیں واھگانی، پکری راھبندانی ءُ بلوچ راجی آجوئی ءِ زمانت ءَ دنت۔ مئے اے راجی جنگ داں زورگیریں پاکستانی لشکر ءِ سرجمیں ءُ گُڈّی درکپگ ءُ آزات ءُ وت واجھیں بلوچستان ءِ جوڑ کنگ ءَ گوں سرجمیں تاکت ءُ مھکم ءُ مھکمیں جزم ءَ برجاہ مان اِیت۔