بلوچستان ءِ دمگ ھاران ءُ دالبندین ءَ گوستگیں شپ ءُ پیسری روچ ءَ دو جتا جتائیں سلاہ بندیں وئیلانی ھال شنگ بوتگ انت کہ ایشی ءِ تہ ءَ پاکستانی لشکر ءِ کاروان ھاران ءِ دمگ زومی ءِ نزیک ءَ نشانگ جوڑ کنگ بوتگ ءُ دالبندین ءِ دمگ پشوک ءَ شال تپتان ءِ راہ ءِ سر ءَ ناکہ بندی ءِ وھد ءَ یک گاڑی سوچگ بیتگ۔
رس اِتگیں ھالانی رد ءَ گْوستگیں شپ نوروز کلات ءَ پاکستانی لشکر ءِ کاروانے سلاہ بندیں مردمانی نشانگ جوڑ کتگ۔ وئیل ءِ دروشم، اُرش ءِ وھد ءَ گمانی جانی ءُ مالی تاوان ءُ فورسز ءِ نیمگ ءَ پسھی کارروائی ءِ بابت ءَ انگت ءَ ھال ءُ اھوال پدر نہ بوتگ۔
دومی نیمگ ءَ گوستگیں روچ ءَ دالبندین ءِ دمگ پشوک ءَ شال ءُ تفتان واپاری راہ ءِ سر ءَ سلاہ بندیں مردماں ناکہ بندی کتگ۔ ھالانی رد ءَ ھمے وہد ءَ یک گاڑی یے اوشتارینگ بوتگ ءُ سوچت بوتگ۔
انگت ءَ اے دوئیں وئیلانی بابت ءَ سرکاری واکدارانی نیمگ ءَ ھچ وڑیں سرکاری ھال شنگ نہ بوتگ ءُ داں انگت ءَ کس ءَ اے وئیلانی زمہ واری نہ زرتگ۔