بلیدہ ءِ چیئرمین عبدالرحمن بازار ءِ نندوکںیں مردماں دی بلوچستان پوسٹ نیوز ڈیسک ءَ گوں تران کنان ءَ گْوشتگ کہ گوستگیں روچ ءَ پاکستانی لشکر ءِ کارندھاں بازار ءِ کش ءُ گور انگیر کتگ ءُ آبادی ءِ سر ءَ تیرگواری کتگ ءُ یک شپانکے ءِ سر ءَ ھم تیرگواری کنگ بوتگ۔
بلے ھمے وھد ءَ ھچ وڑیں جانی تاوان یا دزگیری ءِ ھال نیست۔ دمگی مردمانی گشگ ءِ رد ءَ فورسز ءِ اے رویش اوپاری نہ انت۔ اگاں فورسز ءَ شکایت ھست انت گڑا آ گوں راج ءِ نمائندگاں گپ بہ کن انت۔ اے وڑیں تیر گواری ءُ آبادی ءِ سر ءَ ناجائزیں کارروائی اوپار کنگ نہ بہ انت ءُ بوت کنت کہ جاور گیشتر گیش ناگیگ بہ بنت۔
دومی نیمگ ءَ دمگی مردماں شکایت کتگ کہ ایف سی ءِ نیمگ ءَ ڈرون ءِ بالی کنگ بلوچ ناموس ءِ لگتمالی اِنت کہ ایشی ءِ سوب ءَ جنین آدم وت ءَ بے ایمنی سماہ کن اَنت۔ دمگی مردماں لوٹ کتگ کہ آبادی ءُ لوگانی سر ءَ ڈرون ءِ بال دیگ ھلاس کنگ بہ بیت۔