بلوچستان ءِ دمگ خاران ءَ پاکستانی لشکر ءِ بنجاھی بنجل ڈرون ءُ مارٹر ءِ اُرشاں نشانگ جوڑ کنگ بیتگ۔
خاران ءِ دمگ پتکن ءَ فورسز ءِ یک مستریں کیمپے ڈرون اُرشے ءَ نشانگ جوڑ کنگ بوتگ۔
ھالانی رد ءَ کیمپ ءِ سر ءَ پنچ ڈرون اُرش ءَ پد بازیں مارٹر گولہ جنئگ بوتگ انت ۔ تراکانی آسر ءَ جانی ءُ مالی تاوان ءِ ھال ھست انت۔
دومی نیمگ ءَ خاران ءِ دمگ البت ءَ فورسز ءِ دگہ کیمپ ھم ڈرون ءِ اُرشانی تہ ءَ نشانگ جوڑ کنگ بوتگ بلے اے اُرش ءَ ڈرون ءِ تہ ءَ ایر کنگ بوتگیں تراکناکیں چیز تراک نہ ترک اتگ بوتگ۔
انگت ءَ واکداراں اے اُرشانی بابت ءَ ھچ وڑیں ھال ءُ اھوال نہ داتگ۔
زانگ بہ بیت سئے روچ پیسر سوراب ءِ تارکی ڈیم ءَ فورسز ءِ کیمپ ھمے رنگیں ڈرون اُرش ءَ نشانگ جوڑ کنگ بوتگ۔
انگت ءَ اے اُرشانی زمہ واری کس ءَ نہ گپتگ بلے بلوچ لبریشن آرمی ءَ اے سال ءَ وتی ڈرون یونٹ “)QAHR–Qazi Aero Hive Rangers)ءِ جوڑ کنگ ءِ جار جتگ۔