کچھی ءَ اسنائپر ٹولی ءَ پاکستانی پوجی کارندہ ءِ کوش ءِ زمہ واری بی آر جی ءَ منّ اِتگ

بلوچ ریپبلکن گارڈز ءِ جارکش دوستین بلوچ ءَ شنگ کتگیں درشان ءِ تہ ءَ گْوشتگ کہ مروچی یک اسنائپر ٹولی ءَ بلوچستان ءِ دمگ کچھی ءِ ھند سنی شھر ءَ زورگریں پاکستانی پوج ءِ بُنجاھی بُنجل ءَ ڈیوٹی ءَ ساڑی کارندہ نشانگ کتگ جاہ پہ جاھی مرتگ-

جارکش ءَ گوشتگ اُرش ءَ پد پروش وارتگیں پوج ءَ چو مدامی وڑ ءَ مارٹر ءُ مزنیں سلاھاں چہ سر ءُ دیم تیرگواری بندات کتگ – بلے سرمچار وتی کاروائی ءِ سرجم کنگ ءَ پد پہ سلامتی درتکگ ءُ وتی اوتکاں سر بوتگ اَنت-

جارکش ءَ گوشتگ کہ اے اُرش ءِ زمہ واری ءَ مئے گل بی آر جی منّ اِیت ءُ اے وڑیں کاروائی داں بلوچستان ءِ وتواجھی ءَ برجاہ بنت-