بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ سرمچاراں گوادر ءِ دمگ پسنی ءَ زورگیریں پاکستانی لشکر ءِ کاروان ءِ سر ءَ مھکم ءُ ھترناکیں اُرشے ءَ نشانگ جوڑ کتگ ءُ دژمن ءَ مزنیں کساسے ءَ جانی ءُ مالی تاوانانی دیمپان کتگ۔
جارکش ءَ گوشتگ بی ایل اے ءِ ھاسیں اُرد ’اسپیشل ٹیکٹیکل آپریشن اسکواڈ‘ ءَ پسنی ءِ دمگ کبڑی ءِ نزیک ءَ شادی کور ءَ زورگیریں پاکستانی لشکر ءِ سئے گاڑیانی کاروان ءِ تہ ءَ یک گاڑی یے چہ کنٹرول ءَ آئی ای ڈی ءِ اُرش ءَ سرجم ءَ تباہ کتگ۔ اے تراک ءِ آسر ءَ گاڑی ءَ سواریں زورگیریں پاکستانی لشکر ءِ میجر وجاہت ءَ ھوار 7 کارندہ جاہ پہ جاہ ءَ مرتگ اَنت۔
جارکش ءَ گوشتگ اے ارش ءِ زمہ واری ءَ بلوچ لبریشن آرمی من ایت ۔ مئے اُرش گوں گیشیں تیزی ءَ داں برجاہ مان اَنت داں یک آجوئیں ءُ وتواجھیں بلوچستانے ءِ جوڑ کنگ ءُ زورگیریں لشکر ءِ سرجمی ءَ درکپگ ءَ ۔