سلاہ بندیں مردماں سردار شاہ زمان خان علی زئی گوں آئی ءِ زھگ ءَ آوار جتگ ءُ ناشناسیں جاھے ءَ برتگ بیتگ ات۔
چہ مستونگ ءَ شنگ بوتگیں ھالانی رد ءَ پیسریگیں چیئرمین میونسپل کمیٹی مستونگ سردار شاہ زمان خان علی زئی کہ سلاہ بندیں مردماں آوار جتگ ات مرچی یل بوتگ ۔
سردار شاہ زمان علی زئی 19 اگست ءَ شال ءَ روگ ءِ وھد ءَ سورگز ءِ دمگ ءَ ناکہ بندی ءِ وھد ءَ سلاہ بندیں مردماں دزگیر کتگ ءُ ناشناسیں جاھے ءَ برتگ بلے مرچی یل کنگ بوتگ۔
یات بہ بیت کہ بلوچستان ءَ تاں انوگ ءَ ناکہ بندی ءِ وھد ءَ درزناں سرکاری کارندہ آوار جنگ بوتگ اَنت کہ رند ءَ سلاہ بندیں مردمانی دست ءَ یلہ دیگ بنت۔
گوستگیں روچ ءَ خاران کوئٹہ ءِ مستریں شاھدگ ءِ سر ءَ برشونکی ءِ دمگ ءَ ناکہ بندی ءِ وھد ءَ سلاہ بندیں مردماں کمشنر رخشان ڈویژن اسداللہ کاکڑ آوار جتگ ءُ برتگ کہ انگت ءَ آ یل نہ بوتگ۔