بلوچستان دمگ ڈیرہ بگٹی ءِ ھند سوئی ءَ شش مردمانی لاش دزکپتگ انت۔
لاشانی پجار محمد خان ء یارو، لالو ء تاج ، شاہ میر ء شھال، وحید ء ھالو خان چاکرانی بگٹی ،غلام دین ء کوری ءُ کرم خان ء مزار خان مسوری بگٹی ءِ ناماں بوتگ انت۔
دمگی مردمانی رد ءَ دزکپتگیں لاش ھما مردمانی اَنت کہ پیسر ءَ بندیگ بوتگ اَنت ءُ بندیگ کنگ ءِ وھد ءَ جعلی انکاؤنٹر ءَ کشگ بوتگ اَنت۔
زانگ بہ بیت گوستگیں روچاں چَہ بارکھان ءَ دہ مردمانی جون ھم دست کپتگ اَنت ، ھمے وڑ چہ کلات ءُ خضدار ءَ شش جون ھم دست کپتگ ۔ بارکھان ءَ سزکپتگیں لاشانی تہ ءَ تاں انوگ ءَ یکے ءِ پجار ھما مردم ءِ رنگ ءَ بوتگ کہ یک سالے پیسر زورانسری ءَ بیگواہ کنگ بوتگ۔