چَہ کلات ءُ مستونگ ءَ سلاھبنداں چار مردم آوار جتگ انت کہ ایشانی تہ ءَ دو رند ءَ یل کنگ بیتگ اَنت ۔
اھوالانی رد ءَ بلوچستان ءِ دمگ کلات ءَ رودینجو ءِ نزیک ءَ سلاھبنداں روڈ بلاک کتگ ءُ گاڑی پٹ ءُ پول کتگ ءُ مسلم کمرشل بینک ءِ خضدار ءِ دو مزنیں افسر وتی گاڑی ءُ ڈرائیور ءِ ھمراھی ءَ آوار جتگ ءُ گوں وت برتگ اَنت۔
آوار جنگ بوتگیں آفسرانی تہ ءَ ریجنل ھیڈ آپریشنز حاجی لشکر خان بنگلزئی ءُ ریجنل ھیڈ سیلز خالد گچکی ھوار اَنت ۔
ھالانی رد ءَ 2 اکتوبر 2026 ءَ اے دوئیں افسر چہ خضدار ءَ شال ءَ روگ ءَ بیتگ انت کہ ناشناسیں سلاہ بندیں مردماں قلات ءِ دمگ رودینجو ءَ روڈ بلاک کتگ ءُ شپ ءِ سئے بج ءِ نزیک ءَ آوار جتگ انت۔
پد ءَ آوار جنوکاں ھردوکیں آفسرانی ڈرائیور یل داتگ انت۔
ھمے وڑ مستونگ ءَ سلاہ بندیں مردم دو رند ءَ اوئی گیس ءِ زونل آفس ءَ سر بیتگ انت ءُ اود ءَ سرکاری گاڑی گوں ڈرائیوراں برتگ انت۔
اھوالانی رد ءَ سلاہ بنداں پد ءَ ڈرائیور یل داتگ انت ءُ گاڑی گون وت برتگ انت۔
ھر دوئیں وئیلانی تہ ءَ ھواریں مردمانی بابت ءَ دگہ ھچ وڑیں ھال ءُ اھوال شنگ نہ بوتگ انت۔