شمبے ءِ روچ ءَ لسبیلہ کوسٹل ھائی وے ءِ سر ءَ پٹرولنگ ءَ دزبندیں پاکستانی لشکر ءِ یک بکتر بندیں گاڑی ءِ تیرگواری ءِ نشانگ کتگ-
دمگی اھوالانی رد ءَ تیرگواری ءِ آسر ءَ دو پوجی کارندہ بیران ءُ دو زدگ بیتگ انت-
وئیل ءِ بابت ءَ داں انگت ءَ لشکریانی نیمگ ءَ دگہ گپ دیم ءَ نیتکگ انت-
زانگ بہ بیت ھمے سال ءِ جولائی ماہ ءَ لسبیلہ کراچی،شال ءِ بنجاھی شھدگ ءِ سر ءَ بلوچ لبریشن آرمی ءِ یک اُرشے ءَ پاکستانی لشکر ءِ ھبدہ کارندہ بیران بیتگ ات انت- بلے داں انگت ءَ اے اُرش ءِ زمہ واری کس ءَ نہ زرتگ-