نوشکی بازار ءَ پولیس ءِ سر ءَ تیرگواری ءَ یک پولیس کارمندے بیران بوتگ ءُ اے اُرش ءَ سٹی پولیس اسٹیشن ءِ ایس ایچ او غلام محی الدین نشیب رک اتگ-
پولیس بنشون ءِ رد ءَ نوشکی بازار ءَ پولیس کارندہ نشانگ جوڑ کنگ بوتگ اَنت کہ ایشی ءِ آسر ءَ تیرگواری ءَ پولیس ءِ کارندہ عبدالناصر جاہ پہ جاہ ءَ بیران بوتگ۔ وئیل ءَ پد پولیس ءَ دمگ انگر کتگ ءُ چمدیستگین یکجا کنگ بندات کتگ انت۔
پولیس بنشون ءَ گشتگ کہ اے اُرش سٹی پولیس اسٹیشن ءِ ایس ایچ او غلام محی الدین نشیب ءِ سر ءَ بوتگ بلے اُرش ءَ آئی ءَ را ھچ وڑیں تاوان نہ رس اتگ۔
کُشگ بوتگیں کارندہ عبدالناصر ءِ لاش پہ المی کارروائی ءِ ھاتر ءَ ٹیچنگ ہسپتال نوشکی ءَ دیم دیگ بوتگ کہ اود ءَ کانونی کارروائی سرجم کنگ بوھگ ءَ اِنت۔
وئیل ءَ چہ پد نوشکی بازار ءُ کش ءُ گور ءِ دمگاں سیکورٹی گیش ترند کنگ بوتگ انت ۔