بلوچ یکجھتی کمیٹی ءِ رِد ءَ یک جولائی 2026 ءَ سی ٹی ڈی ءِ بیڑ ءِ وھد ءَ سید بی بی چہ وتی گس ءَ دزگیر کنگ بیتگ۔ تربت ءَ ڈاکٹر مھرنگ ءُ شاہجی ءِ عمر قید ءِ ھلاپ ءَ زھرشانی ءِ پد ءَ 2 جولائی ءَ یل کنگ بوتگ۔
بلے چہ یل کنگ ءَ بس یک روچے ءَ پد 3 جولائی ءَ پد ءَ دزگیر کنگ بوتگ ءُ 3MPO ءِ رد ءَ دو ماہ ءَ بندیگ کنگ بوتگ۔ گڈسر ءَ 31 اگست 2026 ءَ چہ زندان ءَ یل کنگ بیتگ۔
بی وائی سی ءِ رِد ءَ آ بندیگ جاہ ءِ اے ماھانی تہ ءَ آئی ءَ زندان ءِ دیوالانی پُشت ءَ بازیں بلوچ راج ءِ رنج ءُ ناانساپی وتی چماں گوں دیستگ انت۔ اے تجربگ ءَ انسانی ھک ءُ انساپ ءِ جھد ءِ تہ ءَ آئی ءِ جزم ءَ گیشتر مھکم کتگ ءُ زلم ءِ انسانی نھاد ءِ بابت ءَ آئی ءِ سرپدی گیش ءُ گیوار کتگ۔