ڈاکٹر اللہ نزر ءُ بشیر زیب اَچ ما جوانتر ءُ مھکمیں رنگے ءَ کار کنگ ءَ انت- بی ایس او ءِ گوستگیں سروک وحید بلوچ

وھدیکہ ما اسمبلیاں شتگیں مارا ھچ زانگ نہ بیتگ- ھمے وڑ ءَ ھیرجان کوھاں شتگ آئی ءَ ھم زانگ نہ بیتگ – بلے مروچی ڈاکٹر اللہ نزر ءُ بشیر زیب کوھاں شتگ انت اَچ ما جوانتر ءُ مھکمیں رنگے ءَ کار کنگ ءَ انت-

اے لیکھانی درشانی بلوچ اسٹوڈنٹس آرگنائزیشن ( بی ایس او) ءِ گوستگیں سروک وحید بلوچ ءَ شمس الدین سمش ءِ گون ءَ یک پوڈکاسٹے ءَ کتگ انت-

گوستگیں چیئرمین بی ایس او ءِ پارلیمانی سیاست ءُ ھَک ءِ واداریت ءِ وت واجھی ءِ وڑین نکات ھوار کنوکی ءِ درگت ءَ گوشتگ- ھمک رنگیں جھد کنوک ءِ نام ءِ سر ءَ درست کتگ انت بلے آ وھد ءَ مارا پارلیمابی سیاست ءِ تجربگ نہ بیتگ ءُ ناکہ کوھانی جھد کنگ بیتگ-

وحید بلوچ ءَ گوشتگ مروچی بی ایس او ءِ تجربگ بیتگ ھما چیز ما کت نہ کتگ مروچی بشیر زیب ءُ اللہ نزر کنگ ءَ انت ءُ مئے روایتی سیاستداناں گیش جوانتر ءُ مھکمیں رنگے ءَ کنگ ءَ انت- دومی نیمگ ءَ گوشگ بوگ ءَ انت ما پارلیمنٹ ءَ وتی جھد ءِ ھاتر ءَ کارمرد کنگ ءَ انت – آ چیز چیر تر اتگ – ایشی ءِ توک ءَ ھِچ گپ پش نہ کپتگ بہ گوش آں پارلیمنٹ مئے راجی زرمبشت یا سیاست ءِ دروشم ءَ بیت کنت-

وحید بلوچ ءَ بی ایس او ءِ سیاست، آئی ءِ پرشگ ءِ سبب وتی سیاست ءِ سپر ءِ درگت ءَ سرجمی ءَ گپ جتگ انت-