چاگی: ریسٹ ھاؤس ماندارگ بیتگ، گیس پلانٹ ءِ سر ءَ سلاہ بندانی بیڑ

بلوچستان ءِ دمگ چاگی ءَ سلاہ بندیں مردماں یک ریسٹ ھاؤسے مدانشتگ ءُ تباہ کتگ ءُ ھمے وڑ گیس پلانٹ ءِ سر ءَ سلاہ بنداں بیڑ برتگ ءُ سلاہ دستیگ کتگ انت-

گوستگیں شپ ءَ دالبندین ءَ کساس پانزدہ کلو میٹر دور رودراتکی نیمگ چھتر بازار ءَ سلاہ بندین مردماں ریسٹ ھاؤس ءِ سر ءَ بیڑ برتگ ءُ سوتکگ –

پولیس ءِ رد ءَ دبوکہ پوشیں سلاہ بندیں مردماں ریسٹ ھاؤس ءَ را پٹرول پرتکگ ءُ سوتکگ – آس کساس شپ ءِ ساھت سَے ءَ پیش اتکگ بلے دگہ جانی تاوان نہ بیتگ انت-

ھمے وڑ چھتر ءَ گیس پلانٹ ءِ سر ءَ سلاہ بنداں بیڑ برتگ ءُ پرائیویٹ سیکورٹی گارڈ دزگیر کنگ بیتگ ءُ آئی ءِ سلاہ پچگرگ بیتگ انت ءُ پد ءَ گارڈ یل دیگ بوتگ-