بلوچستان ءِ جتا جتائیں جاھاں زورانسری آوار جنیانی درچ یکشل ءَ برجاہ انت چہ پنجگور ء شال ءُ دو مردمانی آوار جنیانی ھال دیم ءَ اتکگ انت- چہ پنجگور ءَ سیادی داروکیں یک مردمے یل کنگ بیتگ-
سر بیتگیں ھالانی رد ءَ شانزدہ سالی ئیں حسنین امداد ء امداد جھمنند پنجگور بیست ءُ یک اگست دوھزار ءُ بیست ءُ شش ءَ بیگاہ ءِ ساھت پنچ ءَ پنجگور بس ٹرمینل ءَ پاکستانی لشکر ءَ دزگیر کتگ ءُ گون وت برتگ-
ھمے وڑ بیست ءُ سَے سالی ئیں نصیب اللہ بلوچ ء علی مراد جھمنند سرداف کاریز ویسٹرن بائی پاس شال بیست ءُ ھشت جولائی دوھزار ءُ بیست ءُ شش ءَ سھب ءِ ساھت چار بج ءَ چہ لوگ ءَ پوج ءَ چِست کتگ ءُ برتگ-
ھمے وڑ چہ پنجگور ءَ یحییٰ ء محمد یاسین جھمنند سلمان بازار پروم پنجگور شانزدہ مارچ دوھزار ءُ بیست ءُ شش ءَ آوار کنگ بیتگ ء بیست ءُ چار اگست دوھزار ءُ بیست ءُ شش ءَ پروم پنجگور ءَ یل کنگ بیتگ-