بلوچستان ءِ دمگ کلات ءَ بنجاھی شھدگ ءِ سر ءَ ٹرکانی کاروان ءِ سر ءَ اُرش چریشی ءِ آسر ءَ شش ٹرک سانمند بیتگ انت-
سر بیتگیں ھالانی رد ءَ سلاہ بندیں مردماں ایوک ءَ ٹرک نشانگ کتگ انت چریشی ءَ دگہ جانی تاوانانی ھال نیست انت-
زانگ بہ بیت بلوچستان ءَ گوستگیں بازیں روچاں واپاری ٹرک نشانگ کنگ بوگ ءَ انت کہ اود ءَ سلاہ بندیں مردم راھاں بند انت ءُ واپاری ٹرکاں نشانگ کنگ ءَ انت-
بلوچستان ءَ ایران ءِ سیمسر ءُ بلوچستان ءَ پاکستان ءِ دگہ شھراں واپاری دگانی سر ءَ بلوچ لبریشن آرمی ءَ واپاری بندش ءِ جار جتگ بیتگ کہ چریشی ءِ آسر ءَ مڈی بروکیں گاڑی نشانگ کنگ بوگ ءَ انت ءُ ایشانی ھواری ءَ ٹرکانی پھزداری ءَ پوجی کارندہ ھم نشانگ کنگ بوگ ءَ انت-