بلوچستان ءَ زورانسری ءَ بیگواھیانی درچ یکشل ءَ برجاہ انت ءُ اے وڑیں بازیں وئیل بنت کہ بازیں ماھاں پد کِسہ دیم ءَ کاینت۔ بنشون ءِ رد ءَ بنداتی پڑ ءَ آماچیں کھوک ترس ءُ بیم ءِ آماچ کنگ ءُ بے تواری ءِ سر ءَ لاچار کنگ بنگ کہ ایشی ءِ سبب ءَ بازیں کیس وھد ءِ سر ءَ ھال نہ بنت۔
رس اتگیں ھالانی رد ءَ نصیر بلوچ ء مھراب خان 18 سال ءِ اُمر سریاب روڈ شال ءِ نندوک اِنت کہ نودربرے آ بیست ءُ ھپت مارچ دوھزار ءُ بیست ءُ شش ءَ شپ ءِ ساھت دو ءَ آئی ایس آئی ءُ سی ٹی ڈی ءِ کارندھاں چہ سریاب روڈ شال ءَ دزگیر کنگ ءَ پد زورانسری ءَ بیگواہ کتگ-
دومی نیمگ ءَ ھال رس اتگ کہ 13 جولائی 2026 ءَ پنجگور ءَ زورانسری ءَ بیگواہ کنگ بوتگیں سئے مردم یل کنگ بوتگ اَنت۔
یل بیتگیں مردمانی تہ ءَ پنجگور ءِ جھمنند سلمان بلوچ ء مھمد انور ، زبیر ء اسماعیل پنجگور خدا آبادان ءُ پنجگور ءِ خدا آبادان ءِ جھمنند نبیل ء نذیر ءِ یل بیتگ انت۔ ھر سئیں 23 جولائی 2026 ءَ یل کنگ بیتگ اَنت ءُ سلمان بلوچ ءُ زبیر شال ءَ یلہ کنگ بوتگ اَنت۔ نبیل بلوچ ءِ یلہ کنگ ءِ جاہ ءِ بابت ءَ انگت ءَ ھال ءُ اھوال پدر نہ بوتگ۔