بلوچستان ءِ تیابدپی شھر گوادر جیونی ءَ پاکستانی لشکر ءَ دگہ چار بلوچ ورنا زورانسری بیگواہ کتگ اَنت۔
گیشیں ھالانی رد ءَ 21 جولائی 2026 ءِ شپ ءَ پاکستانی لشکر ءَ جیونی ءَ دشتی بازار ءَ اُرش کتگ ءُ لوگانی پٹ ءُ پول کتگ۔ ھمے وھد ءَ جنین ءُ چُک ھم لٹ ءُ کُٹانی نشانگ کنگ بیتگ انت، ھمے وھد ءَ پوج چار بلوچ ورنا زورانسری آوار جتگ ءُ بیگواہ کتگ انت۔
زورانسری ءَ بیگواہ کنگ بیتگیں ورنایانی پجار مھسن ء مجید، یعقوب ء مجید، حسیب ء اصغر ءُ سمیر ء خالد ءِ ناماں بوتگ انت ۔
زانگ بہ بیت کہ پاکستانی لشکر ءِ دست ءَ زورانسری بیگواہ کنگ بوتگیں اے چاریں ورنا نزیکیں سیاد ءُ وارس اَنت۔