پنجگور ءُ کشمور ءَ پاکستانی پوج ءُ گیس پائپ لائن سر ءَ تراک بیتگ

پنجگور ءُ کشمور ءَ پاکستانی پوج ءُ گیس پائپ لائن ءِ سر ءَ بمب تراک کنگ بیتگ-

گیشیں ھالانی رِد ءَ پنجگور ءِ تھسیل پروم ءِ دمگ کلشان ءَ پاکستانی پوج ءِ بمب ڈسپوزل اسکواڈ ءِ یک تراکے ءَ نشانگ کنگ بیتگ-

اِھوالکار ءِ رِد ءَ تراک ءِ آسر ءَ پوج ءَ جانی ءُ مالی تاوان چست کنگ ھال دیم ءَ اتکگ، بلے سرکاری نیمگ ءَ تنی وھدے بیران ءُ ٹپّیانی کچ گوشگ نہ بیتگ اَنت-

ھمے وڑ سوئی ءَ چہ کراچی ءَ رؤکیں 36 انچ گیس پائپ لائن کشمور ءِ ھند سر ءَ تباہ کتگ-

تراک ءِ سوب ءَ دمگاں گیس دیگ بند بیتگ، وئیل ءَ پد پوج ءُ پولیس کارمند وئیلجاہ ءَ سر بیتگ اَنت-

تنی وھدے دوئیں وئیلانی زمہ واری ھچ گل ءَ نہ زرتگ اَنت-