بلوچستان ءِ جتاجتائیں دمگاں مزنیں شھدگ بند کتگ وھدے کہ تیرگواری ءُ میڑانی ھال اِنت-
اِھوالکار ءِ رِد ءَ پنجگور ءِ دمگ چیدگی ءَ پاکستانی پوج ءُ سلاہ بندیں مردمانی میان ءَ میڑ ءِ ھال اِنت-
دومی نیمگ ءَ کلات ءِ دمگ ءَ پجّار نہ بوتگیں مردماں تراکناکیں شورواں چہ یک پُھلے تاوان داتگ، چریشی ءِ آسر ءَ گوستگیں شپ ءَ چہ آر سی ڈی شھدگ ھرچ وڑیں گاڑیانی واستا بند کتگ- شھدگ ءِ بندی ءِ سوب ءَ دوئیں نیمگاں گاڑیانی دْراجیں لین لگ اِتگ ءُ مساپر ءَ سک دیمپانی اِنت-
ھمے وڑ کھڈکوچہ ءِ دمگ ءَ ھم تیرگواری ءِ ھال اِنت، چریشی ءِ سوب اے ھند سر ءَ گوزوکیں شھدگ ھم گاڑیانی واستا بند کتگ-
بلے سرکاری نیمگ ءَ ھچ وڑیں درشان شنگ کنگ نہ بوتگ نانکہ وئیلانی زمہ واری دگہ گلاں زرتگ اَنت-