بلوچستان ءِ دو جتا جتائیں جاہ ھاران ءُ پنجگور ءَ دو لاش دزکپتگ انت۔
ھاران ءَ گوستگیں روچ ءَ آوار جنگ بوتگیں ورناہ یاسر ء فیض اللہ ءِ لاش دست کپتگ ءُ پنجگور ءَ دزکپتگیں ٹپ ءُ ٹوریں لاش ءِ پجار وشبود ءِ نندوکیں عبدالرحیم ءِ چک نجام ءِ نام ءَ زانگ بوتگ۔
دمگی اھوالانی رد ءَ ھاران ءِ شھر ءِ نندوکیں فیض اللہ ءِ چُک یاسر کہ ڈی آئی جی پولیس خاران ءِ باورچی بیتگ ، آدینگ ءِ شپ ءَ ناشناسیں سلاہ بندیں موٹر سائیکل ءِ سر ءَ سواریں مردماں چہ باب خاران ءَ برتگ ۔ آئی ءِ لاش مروچی دزکپتگ۔
وئیل ءِ سبب انگت ءَ پدر نہ بوتگ ۔
دومی نیمگ ءَ پنجگور ءِ دمگ جعفر اسکیم ءَ گریڈ اسٹیشن ءِ نزیک ءَ دزکپتگیں ٹپ ءُ ٹوریں لاش ءِ پجار وشبود ءِ نندوکیں عبدالرحیم ءِ چُک نجام ءِ نام ءَ بوتگ۔
پولیس ءِ بنشون ءِ رد ءَ لاش ءِ شناسائی ءُ المی کارروائی ءِ ھاتر ءَ ٹیچنگ ہسپتال پنجگور ءَ سر کنگ بوتگ۔