پاکستانی لشکر ءَ گوستگیں شپ ءَ چاگی ءِ دمگ امین آباد ءَ چھاپہ جتگ ءُ عبدالرووف یک رندے پد ءَ دزگیر کتگ ءُ پد ءَ بیگواہ کتگ۔
کھول ءِ گشگ ءِ رد ءَ پاکستانی لشکر ءَ ساھت بامسار ءِ سَے بج ءِ نزیک ءَ لوگ انگیر کتگ ءُ عبدالرووف گوں وت برتگ کہ ایشی ءَ پد آئی ءِ بابت ءَ ھچ وڑیں ھال ءُ اھوال دیگ نہ بوتگ۔
زانگ بہ بیت عبدالرووف 8 ستمبر 2018 ءَ پاکستانی لشکر ءَ زورانسری بیگواہ کتگ ءُ نزیک ءَ دو سال ءُ نیم ءَ بیگواہ بوتگ ءُ پد ءَ چہ پاکستانی لشکر ءِ زندان ءَ آجو بیتگ۔