شال ءَ چہ کینٹ ءَ درکپوکیں پوجی کارندھانی بروکیں ٹرین ءِ سر ءَ اُرش، بی ایل اے ءَ فدائین اُرش ءِ زمہ واری من اتگ

بلوچستان ءِ بنجاھی شھر شال چمن پھاٹک ءِ نزیک ءَ ٹرین ءِ سر ءَ اُرشے بیتگ ءُ چریشی ءَ دو بوگی ریل ءَ سستگ ءُ جتا بوتگ انت ءُ یکے ءَ آس لگ اتگ-

دومی نیمگ ءَ بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشانے ءَ گوشتگ مروچی سھب ءَ چہ شال کینٹ ءَ زورگریں پوجی کارندھاں آروکیں ٹرین ءِ سر ءَ فدائی اُرش کتگ-

جارکش ءَ گوشتگ دشمن ءَ بیتگیں جانی ءُ مالی تاوان سرجم ءَ شنگ کنگ بنت انت-

لس دمگی اھوالانی رد ءَ داں انگت ءَ شانزدہ مردم بیران ءُ سِی ءَ گیش ٹپی بیتگ انت ءُ بیرانیانی توک ءَ گیش بوگ ءِ گمان انت-

زانگ بہ بیت بلوچستان ءِ دگہ جاھاں ھم بلوچ لبریشن آرمی یکشل ءَ لشکریانی سر ءَ فدائین اُرش کنگ ءَ انت کہ آئی ءِ رد ءَ اے اُرشاں آئی ءِ فدائین یونٹ مجید بریگیڈ سرجم کنگ ءَ انت-